ԱՐԱՄ ԱՎԱԳՅԱՆՆ ԱՌԱՋԻՆ ՄԵԴԱԼԸ ԿՊԱՐԳԵՎԻ ՀԱՅԱՍՏԱՆԻՆ

Warning: ini_set(): Cannot change zlib.output_compression - headers already sent in /home/azg/public_html/programs/_functions_14.php on line 3049

Warning: Cannot modify header information - headers already sent by (output started at /home/azg/public_html/analytics.php:9) in /home/azg/public_html/programs/_functions_14.php on line 3050

Warning: Cannot modify header information - headers already sent by (output started at /home/azg/public_html/analytics.php:9) in /home/azg/public_html/programs/_functions_14.php on line 3051
ԱՐԱՄ ԱՎԱԳՅԱՆՆ ԱՌԱՋԻՆ ՄԵԴԱԼԸ ԿՊԱՐԳԵՎԻ ՀԱՅԱՍՏԱՆԻՆ | AZG Daily

«ԱԶԳ» ՕՐԱԹԵՐԹ #93, 2013-06-06

ԱՐԱՄ ԱՎԱԳՅԱՆՆ ԱՌԱՋԻՆ ՄԵԴԱԼԸ ԿՊԱՐԳԵՎԻ ՀԱՅԱՍՏԱՆԻՆ

Մինսկում ընթացող բռնցքամարտի Եվրոպայի առաջնությունում Հայաստանի հավաքականին առաջին մեդալը կպարգեւի 56 կգ քաշային Արամ Ավագյանը: Հայ բռնցքամարտիկը պայքարը սկսեց 1/8 եզրափակիչիցՙ առավելության հասնելով Անգլիան ներկայացնող Գամալ Յաֆաիի նկատմամբ: Քառորդ եզրափակիչում Արամի մրցակիցն ադրբեջանցի Սամիր Մամադովն էր: Առաջին ռաունդում մրցավարները նախապատվությունը տվել էին ադրբեջանցուն, իսկ հաջորդ 2 ռաունդներում Ավագյանը հաղթեց ու շահեց մենամարտը:

Արամ Ավագյանը մտավ կիսաեզրափակիչՙ իր համար նվազագույնն ապահովելով բրոնզե մեդալը: Կիսաեզրափակիչում նա կմրցի ուկրաինացի Միկոլա Բուցենկոյի հետ, որը պարտության էր մատնել իտալացի Ալեսիո դի Սավինոյին:

Պայքարից դուրս մնաց Արման Հովնիկյանը (75 կգ), որն իր 2-րդ մենամարտումՙ 1/8 եզրափակիչում պարտվեց հունգարացի Զոլթան Հարկսային:

Մեդալների համար պայքարը շարունակում է Ռուսաստանը ներկայացնող Դավիթ Հայրապետյանը, որն առաջին մենամարտում հաղթել էր Հովհաննես Դանիելյանին: Քառորդ եզրափակիչում Դավիթը պարտության մատնեց իտալացի Մանուել Կապային եւ մտնելով կիսաեզրափակիչ, նվազագույնն իր համար ապահովեց բրոնզե մեդալը: Կիսաեզրափակիչում Հայրապետյանը կմրցի անգլիացի Ջեկ Բատեսոնի հետ, որը հաղթել էր ուկրաինացի Վադիմ Կուդրյակովին:

Մինչեւ 64 կգ քաշային կարգում Ռուսաստանը ներկայացնող Արմեն Զաքարյանը եւ Գերմանիայի դրոշի ներքո հանդես եկող Արտյոմ Հարությունյանը մտնելով կիսաեզրափակիչ, նվազագույնն իրենց համար ապահովել են բրոնզե մեդալները: Արմենը քառորդ եզրափակիչում հաղթեց անգլիացի Սամուել Մաքսվելին, իսկ Արտյոմը պարտության մատնեց թուրք Հուսեյն Կառսլիօղլուն: Կիսաեզրափակիչում հաջողության դեպքում հայ բռնցքամարտիկները միմյանց հետ կհանդիպեն վճռորոշ մենամարտում:

https://www.archive.azg.am/AM/2013060622