ԼԻԲԱՆԱՆՅԱՆ ԲԱՐՁՐԱԳՈՒՅՆ ՇՔԱՆՇԱՆՙ ՆՈՒԲԱՐ ԱՖԵՅԱՆԻՆ

Warning: ini_set(): Cannot change zlib.output_compression - headers already sent in /home/azg/public_html/programs/_functions_14.php on line 3049

Warning: Cannot modify header information - headers already sent by (output started at /home/azg/public_html/analytics.php:9) in /home/azg/public_html/programs/_functions_14.php on line 3050

Warning: Cannot modify header information - headers already sent by (output started at /home/azg/public_html/analytics.php:9) in /home/azg/public_html/programs/_functions_14.php on line 3051
ԼԻԲԱՆԱՆՅԱՆ ԲԱՐՁՐԱԳՈՒՅՆ ՇՔԱՆՇԱՆՙ ՆՈՒԲԱՐ ԱՖԵՅԱՆԻՆ | AZG Daily

«ԱԶԳ» ՕՐԱԹԵՐԹ #5, 2021-02-13

ԼԻԲԱՆԱՆՅԱՆ ԲԱՐՁՐԱԳՈՒՅՆ ՇՔԱՆՇԱՆՙ ՆՈՒԲԱՐ ԱՖԵՅԱՆԻՆ

«Պայքար» շաբաթաթերթից տեղեկանում ենք, որ Լիբանանի Հանրապետության նախագահՙ գեներալ Միշել Աունի հրամանագրով ամերիկահայ հանրահայտ գիտնական եւ ձեռներեց Նուբար Աֆեյանը պարգեւատրվել է լիբանանյան բարձրագույնՙ «Ազգային արժանյաց կարգի» շքանշանով, որը նրան հանձնվել է փետրվարի 2-ին, ԱՄՆ-ում Լիբանանի դեսպան Գաբրիել Իսսայի կողմից: Շքանշանը շնորհվել է Covid-19-ի վարակի դեմ Նուբար Աֆեյանի գլխավորած Moderna ընկերության արտադրած պատվաստանյութի բռնած հաջող քննության կապակցությամբ: Այո, հակառակ Հայաստանում որոշ լրատվամիջոցների տարածած տեղեկությունների, Moderna-ի պատվաստանյութը ամերիկյան գլխավոր համաճարակաբանների կողմից արժանացել է բարձր գնահատանքի:

Հիշեցնենք, որ Ն. Աֆեյանը ծնունդով լիբանանահայ է: Ուսումնառության համար նախ գնացել է Կանադա, սովորել Մոնրեալի Մըկգիլ համալսարանում, որի ընթացքն ավարտելուց հետո անցել է Բոստոն եւ հռչակավոր MIT համալսարանում պաշտպանել դոկտորականը բիոքիմիկոսի մասնագիտությամբ, 1987 թ.ին: Այնուհետեւ, շնորհիվ իր ձեռներեցության ու նոր գաղափարների շտեմարան լինելու իրողության, հիմնադրել է շուրջ 30 մասնագիտացված ընկերություններՙ մոտավորապես 10 մլրդ դոլար ընդհանուր դրամագլխով:

Լիբանանի նախագահի այս ժեստը, որը հատուկ է լիբանանյան ավանդության, այն էՙ գնահատել ու քաջալերել այդ հողի վրա ծնված յուրաքանչյուրինՙ որտեղ որ էլ նա բնակվելիս ու գործելիս լինի, փոքրիկ, շատ փոքրիկ այդ երկիրը դարձնում է եզակի ողջ աշխարհում:

Ո՛ւր էր թե Հայաստան մեր երկիրն էլ այդպիսին լիներ:

Ընդգծենք նաեւ, որ Ն. Աֆեյանը հոգով ու սրտով հայրենասեր է, նվիրյալ իր հայրենիքին ու ժողովրդին:

https://www.archive.azg.am/AM/2021021325