Ոչ պաշտոնական աղբյուրներից «Ազգին» հայտնի դարձավ, որ այսօրվանից ցնոր տնօրինություն լույս չի տեսնելու պետական պաշտոնաթերթը: Պատճառը ենթադրվում է, որ կարգավիճակային է: Բանն այն է, որ ինչպես բոլոր թերթերը, «Հայաստանի Հանրապետությունն» էլ մինչեւ դեկտեմբերի 31-ը ստիպված էր վերագրանցվել եւ վերահաշվարկման անցնել արդարադատության նախարարությունում: Մեր տվյալներով, թերթը վերագրանցվել էր եւ սպասում էր արդարադատության նախարարության վավերացմանը: Մեզ հայտնի չէ, թե վերջին գերատեսչությունում ինչու է ձգձգվել վերավավերացումը, սակայն կարելի է ենթադրել, որ այն կապ ունի թերթի կարգավիճակի հետՙ պետական պաշտոնաթերթը վերագրանցվել է որպես Ազգային ժողովի պաշտոնաթերթ: Խմբագրակազմի անդամներից ոմանց կարծիքով խոչընդոտը կհաղթահարվի առավելագույնը մեկ շաբաթվա ընթացքում: Հուսանք: