ԵՐԵՎԱՆ, 17 ՀՈՒՆՎԱՐ, ՆՈՅՅԱՆ ՏԱՊԱՆ: Գարեգին Բ Ամենայն հայոց կաթողիկոսի հայրապետական տնօրինությամբ Փառեն եպս. Ավետիքյանը նշանակվել է Մայր Աթոռ Սբ. Էջմիածնի վարչակազմակերպական գործերի կառավարիչՙ պահպանելով Մայր աթոռի թանգարանների վարիչ-տնօրենի իր պարտականությունները: Նորին Սրբության մեկ այլ տնօրինությամբ Արշակ աբեղա Խաչատրյանը նշանակվել է Մայր աթոռ Սբ. Էջմիածնի դիվանապետ: Մայր աթոռի տեղեկատվության համակարգից հայտնում են, որ հայրապետական տնօրինությամբ Գուրգեն վրդ. Աղաբաբյանն ազատվել է Վիրահայոց թեմի Սամցխե-Ջավախքի առաջնորդական փոխանորդի պաշտոնիցՙ Գերմանիա ուսման մեկնելու կապակցությամբ: Սամցխե-Ջավախքի առաջնորդական փոխանորդ է նշանակվել Բաբկեն աբեղա Սալբիյանը: