«ԱԶԳ» ՕՐԱԹԵՐԹ

ՀԱՅԿԱԿԱՆ ՕՐԱՑՈՒՅՑ

Փետրվարի 17

Հայոց տոմարի Ասակ օրը

Ծնվել ենՙ

- Գեւորգ Դոդոխյանը (1830 թ., Սիմֆերոպոլ), բանաստեղծ, մանկավարժ («Ծիծեռնակ»):

- Նինա Մանուչարյանը (1885 թ., Թիֆլիս), ՀՀ ժող. արտիստուհի, թատրոնի եւ կինոյի դերասանուհի:

- Սեմյոն Հախումյանը (1930 թ., Երեւան), գրականագետ, պրոֆ.:

- Դավիթ Հովհաննեսը (Հովհաննիսյան, 1945 թ., Երեւան), բանաստեղծ:

- 440 թ. Վաղարշապատում, մոտ 78 տարեկան հասակում վախճանվել է հայ գրի ստեղծող, հայ գրչության, հայագիր դպրոցի, հայ թարգմանական գրականության հիմնադիր, հայերենի առաջին ուսուցիչ, լուսավորիչ, մշակութային եւ հաս. գործիչ, հայ եկեղեցու վարդապետ Մեսրոպ Մաշտոցը:

Փետրվարի 18

Հայոց տոմարի Մասիս օրը

Ծնվել ենՙ

- Դերենիկ Դեմիրճյանը (Դեմիրչօղլյան, 1877 թ., Ախալքալաք), գրող, ակադեմիկոս («Վարդանանք», «Քաջ Նազար»):

- Հայկ Բժշկյանը (Գայ, 1887 թ., Թավրիզ), ռազմ. գործիչ, կորպուսի հրամանատար, պրոֆ.:

- Համազասպ Բաբաջանյանը (1906 թ., Ադրբեջան, գ. Չարդախլու), ԽՍՀՄ հերոս, զրահատանկային զորքերի գլխավոր մարշալ:

- Ժան Էլոյանը (1912 թ., Խնուս, գ. Էլիպս), ՀՀ ժող. արտիստ, դերասան, ասմունքող:

- Արամ Սաթունցը (Սաթյան, 1913 թ., Թուրքմենիա, ք. Մարի), արվեստի վաստ. գործիչ, կոմպոզիտոր («Զանգեզուր»):

Փետրվարի 19

Հայոց տոմարի Անահիտ օրը

Ծնվել ենՙ

- Հովհաննես Թումանյանը (1869 թ., Լոռի, գ. Դսեղ), հայ մեծ բանաստեղծ, արձակագիր, գրական-հաս. գործիչ:

- Հովսեփ (Ավետիք) Գաթըրճյանը (1820 թ., Կ. Պոլիս), պատմաբան, թարգմանիչ, լեզվաբան («Տիեզերական պատմությունը»):

- 125 տարի առաջ Դուշեթում ծնվել է Հայաստանի եւ Վրաստանի ժողովրդական արտիստ, դերասան Իսահակ Ալիխանյանը: Հայ դերասաններից առաջինն է արժանացել Հայաստանի ժողովրդական արտիստի կոչմանը:

- Հովհաննես Ղանալանյանը (1911 թ., Ախալցխա), բանասիրական գիտ. դոկտոր, պրոֆ., գրականագետ:

- 1931 թ., կյանքի 76-րդ տարում վախճանվեց ռուս. բանակի գեներալ-մայոր Թովմաս Նազարբեկովը (Նազարբեկյան):

Հեղինե Ղարագուլյան