Լոս Անջելեսի UCLA համալսարանի Գր. Նարեկացու անվան հայագիտական ամբիոնի վարիչ Պիտեր Քաուիի նախաձեռնությամբ ապրիլի 7- 8-ը անց է կացվելու երկօրյա գիտաժողովՙ ժամանակակից հայ գրականության վերաբերյալ:
Գիտաժողովը տեղի կունենա UCLA համալսարանում եւ ընդգրկելու է ընդհանուր թեմայի հետ առնչվող զանազան նիստեր եւ կլոր սեղաններ: Տարբեր թեմաներով զեկուցումներ կկարդան Հայաստանից հրավիրված մի խումբ գրողներ եւ գրականագետներՙ Աղասի Այվազյանը, Լեւոն Խեչոյանը, Գուրգեն Խանջյանը, Վիոլետ Գրիգորյանը, Արտեմ Հարությունյանը, Մարինե Պետրոսյանը, Արմեն Շեկոյանը, Սամվել Մկրտչյանը, Կարինե Խոդիկյանը, Ալեքսանդր Թոփչյանը, Խաչիկ Մանուկյանը, Սեյրան Գրիգորյանը, Գրիգոր Հակոբյանը, Ազատ Եղիազարյանը: Մ. Բ.