Խորհրդարանը երեկ քննության առավ ԱԺ կրթության, գիտության մշտական հանձնաժողովի ներկայիս նախագահ Շավարշ Քոչարյանի հրաժարականի հարցը: Ըստ ամենայնի, այսօր խորհրդարանը չի ընդունի հրաժարականը, քանի որ Շավարշ Քոչարյանի անձի, քաղաքական գործչի եւ հանձնաժողովի նախագահի հանդեպ միանշանակ դրական կարծիք է ձեւավորված: Օրինակ, պատգամավոր Սերգեյ Իսրայելյանի կարծիքով, պարզապես անբարոյականություն կլիներ ընդունել հրաժարականը եւ եթե «Շավարշի հարցն» էլ քաղաքականացվի, ապա դա վիրավորական է առաջին հերթին հենց հանձնաժողովի, ապա նաեւ դրա անդամների համար, որոնցից մեկն էլ ինքն է:
Խորհրդարանը փորձում է քաղաքական պարկեշտություն դրսեւորել Շավարշ Քոչարյանի հանդեպՙ ելնելով այն հանգամանքից, որ վերջինս բարոյական, քաղաքական էթիկայի շրջանակներում հրաժարական ներկայացրեցՙ բոլորովին պարտավորված չլինելով: