Ավստրալիայի Հայ ավետարանչական եկեղեցիների հրավերով օրերս Ավստրալիա մեկնեց Հայ ավետարանչական ընկերակցության «Փոքրիկ վիրտուոզներ» մանկական (9-14 տարեկան, վեց հոգի) անսամբլը, որը վերջին երկու տարիներին հյուրախաղերով հանդես է եկել Ֆրանսիայում, Անգլիայում, Լիբանանում, Սիրիայում, Կանադայում եւ ԱՄՆ-ում:
Ֆրանսիայի Հայ ավետարանչական եկեղեցիների միության հրավերով Ֆրանսիայում է գտնվում Հայ ավետարանչական ընկերակցության «Երգ երգոց» երիտասարդական երգչախումբը, որը Հայաստանում քրիստոնեության պետական կրոն ընդունման 1700-ամյակին նվիրված համերգներով հանդես է գալիս Փարիզ, Վալանս, Լիոն, Մարսել եւ այլ քաղաքներում:
Մարտի վերջին, երկու անսամբլների հայրենիք վերադառնալուց հետո, ձեզ կներկայացնենք հյուրախաղերի մանրամասները:
ՀԱԸ-Ի ՄԱՄՈՒԼԻ ԲԱԺԻՆ