ԵՐԵՎԱՆ, 16 ՄԱՐՏ, ՆՈՅՅԱՆ ՏԱՊԱՆ: Աշխատանքային այցով Մոսկվայում գտնվող ՀՀ արտգործնախարար Վարդան Օսկանյանը մարտի 16-ին հանդիպումներ է ունեցել ՌԴ արտգործնախարար Իգոր Իվանովի եւ Ազգային անվտանգության խորհրդի քարտուղար Սերգեյ Իվանովի հետ:
Ինչպես «Նոյյան տապանին» հայտնում են ՀՀ ԱԳՆ հասարակայնության հետ հարաբերությունների վարչությունից, հանդիպումների ժամանակ կողմերը քննարկել են երկկողմ հարաբերությունների ներկա իրավիճակն ու դրանց զարգացման հեռանկարները, տարածաշրջանային եւ միջազգային քաղաքականության խնդիրների լայն շրջանակ, ինչպես նաեւ Լեռնային Ղարաբաղի հակամարտության խաղաղ կարգավորման գործընթացը: