«ԱԶԳ» ՕՐԱԹԵՐԹ

https://www.azg.am | WAP | WAP-CULTURE

#68, 2001-04-13 | #69, 2001-04-14 | #70, 2001-04-17

ՌՈՒՍԱՍՏԱՆԸ ՀՈՒՍՈՎ Է, ՈՐ ՂԱՐԱԲԱՂՅԱՆ ՀԱԿԱՄԱՐՏՈՒԹՅՈՒՆԸ ԿԿԱՐԳԱՎՈՐՎԻ

Ասել է Իգոր Իվանովը

ՄՈՍԿՎԱ, 16 ԱՊՐԻԼ, ԱՐՄԵՆՊՐԵՍ: Ռուսաստանը կշարունակի բանակցությունները Հայաստանի եւ Ադրբեջանի հետ եւ հուսով է, որ ղարաբաղյան հակամարտությունը կկարգավորվի: Ինչպես հաղորդում է ՌԻԱ-Նովոստին, այդ մասին հայտարարել է Ռուսաստանի արտգործնախարար Իգոր Իվանովըՙ օրերս ելույթ ունենալով Պետդումայի միջազգային կոմիտեի նիստում: Նախարարի խոսքերով ասած, առաջխաղացում է ձեռք բերվել Ադրբեջանի հետ Ռուսաստանի հարաբերություններում, իսկ Հայաստանի հետ հաստատվում են դաշնակցային հարաբերություններ:

«Ադրբեջանի եւ Հայաստանի հետ բանակցությունները շարունակելու միջոցով մենք հույս ունենք հասնել ղարաբաղյան հակամարտության կարգավորման», ասել է Իգոր Իվանովը:

© AZG Daily & MV, 2009, 2011, 2012, 2013 ver. 1.4