«Քրիստոնեություն-1700» ծրագրի շրջանակներում մայիսի 13-ին Ճամբարակ քաղաքի թիվ 4 միջնակարգ դպրոցում տեղի ունեցավ մկրտության արարողությունՙ Գեղարքունյաց թեմի առաջնորդական տեղապահ Սիոն վրդ. Ադամյանի նախագահությամբ, թեմի քահանա Տեր Գնել Մարտիրոսյանի եւ Սեւանի Վազգենյան դպրանոցի սաների մասնակցությամբ:
Հայ առաքելական եկեղեցուն որդեգրվեցին 170 ճամբարակցիներ, որոնցից 120-ը թիվ 4 դպրոցի սաներ են, իսկ 50-ըՙ Ճամբարակի տարբեր տարածքների բնակիչներ: Մկրտվածների կնքահայրեր դարձան ճամբարակցի 5 գործարարներ, որոնք կատարեցին մատաղի արարողություն, իսկ Գեղարքունիքի թեմը մկրտվածներին նվիրեց մեկական արծաթյա խաչ եւ հոգեւոր գրականություն: Վերջերս հավաքական մկրտությամբ Հայ առաքելական եկեղեցու դավանանքն ընդունել էին եւս 200 ճամբարակցիներ:
ՏԻԳՐԱՆ ՀԱԿՈԲՅԱՆ