<20019802.jpg>
ԵՐԵՎԱՆ, 29 ՄԱՅԻՍ, ՆՈՅՅԱՆ ՏԱՊԱՆ: Մայիսի 29-ին Երեւանի Սախարովի անվան հրապարակում բացվեց ականավոր գիտնական, մեծ հումանիստ, հայ ժողովրդի բարեկամ Անդրեյ Սախարովի կիսանդրին: Միջոցառմանը ներկա էին հանրապետության վարչապետ Անդրանիկ Մարգարյանը, ֆինանսների եւ էկոնոմիկայի նախարար Վարդան Խաչատրյանը, Երեւանի քաղաքապետ Ռոբերտ Նազարյանը, Հայաստանում Ռուսաստանի արտակարգ եւ լիազոր դեսպան Անատոլի Դրյուկովը, մշակութային գործիչ Հենրիկ Իգիթյանը եւ այլոք:
Անդրեյ Սախարովի կիսանդրին պատրաստելու համար 1 տարի շարունակվող մրցույթի արդյունքում անցնող տարվա դեկտեմբերին հաղթող ճանաչվեց քանդակագործ Տիգրան Արզումանյանի աշխատանքը: