«ԱԶԳ» ՕՐԱԹԵՐԹ

https://www.azg.am | WAP | WAP-CULTURE

#106, 2001-06-09 | #107, 2001-06-12 | #108, 2001-06-13

ՍԵԼԵԶՆՅՈՎԻ ՀԱՅՏԱՐԱՐՈՒԹՅՈՒՆԸ ԲԱՔՎՈՒՄ ՀԱՄԱՐՈՒՄ ԵՆ «ՄԵԾ ՎՆԱՍ ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ ԿԱՐԳԱՎՈՐՄԱՆԸ»

ԵՐԵՎԱՆ, 12 ՀՈՒՆԻՍ, ԱՐՄԵՆՊՐԵՍ: Ադրբեջանի արտգործնախարար Վիլայաթ Գուլիեւը հայտարարել է, որ իրենք չեն նահանջելու տարածքային ամբողջականության սկզբունքից:

Ինչպես գրում է թուրքական «Զամանը», Հայաստանում Գ. Սելեզնյովի արած այն արտահայտությանը, որ եթե Լեռնային Ղարաբաղը միավորվի Հայաստանի հետ, ապա կարող է Ռուսաստան-Բելառուս միության մեջ տեղ գտնել, Ադրբեջանի արտգործնախարար Վ. Գուլիեւը պատասխանել է, որ նման խոսքերը քաղաքական տեսանկյունից ոչ մի խնդրի լուծման չեն հանգեցնի: Գուլիեւը հակամարտության կարգավորման նպատակով ստեղծված Մինսկի խմբում համանախագահ երկրի ներկայացուցչիՙ պաշտոնական մակարդակով արված նման հայտարարությունը համարել է մեծ վնաս հակամարտության խաղաղ կարգավորմանը:

© AZG Daily & MV, 2009, 2011, 2012, 2013 ver. 1.4