Հունիսի 28-ին ՀՀ պաշտպանության նախարար Սերժ Սարգսյանը ընդունեց եռօրյա այցով Հայաստան ժամանած Չինաստանի բարձրաստիճան զինվորական պատվիրակությանըՙ գեներալ-մայոր Ցյու Յան Խանի գլխավորությամբ: Հանդիպմանը ներկա էր ՀՀ-ում Չինաստանի Ժողովրդական Հանրապետության դեսպան Չժու Չժաշունը:
ՀՀ ՊՆ լրատվության եւ քարոզչության վարչությունը տեղեկացնում է, որ կողմերը ընդհանուր գծերով ներկայացրել են իրենց երկրների զինված ուժերի կառուցվածքը, ծանոթացրել ընթացող բարեփոխումներին եւ արդիականացման գործընթացներին: Քննարկվել են նաեւ երկու երկրների ռազմական համագործակցության հնարավոր հեռանկարները, տարածաշրջանային զարգացումներին առնչվող եւ այլ խնդիրներ: