2002 թ. ամռանը կանցկացվի Երեւան-Ստեփանակերտ-Երեւան հեծանվավազքը: Այդ մասին «Դե ֆակտո» գործակալության թղթակցին է հայտնել ՀՀ հեծանվասպորտի ֆեդերացիան, որի ներկայացուցիչներն օրերս են վերադարձել ԼՂՀ-ից, ուր ուսումնասիրել են մայրուղին եւ ճշտել կայանալիք հեծանվավազքի մանրամասն երթուղին: Միջոցառման նախաձեռնողը Ֆրանսիայի գիշերօթիկ դպրոցներից մեկի տնօրեն Ֆրենսիս Ռեմբոն է: Նա արդեն մի քանի տարի ՀՀ տարածքով հայ եւ ֆրանսիացի մարզիկների մասնակցությամբ անցկացվող հեծանվավազքի համակազմակերպիչներից է: Այժմ միջոցառմանը կմասնակցեն նաեւ արցախցի մարզիկները: