Կառավարության երեկվա նիստում հաստատվեց նախորդ տարիներին առաջացած պարտքերի մարմանը վերաբերող որոշում, ըստ որի 1 մլրդ 600 մլն դրամ հատկացվեց ՀՀ պաշտպանության նախարարությանը, ինչպես նշեց ֆինանսների եւ էկոնոմիկայի նախարար Վարդան Խաչատրյանըՙ «արտաքին պարտքերի մարման համար»: Եվս 1 մլրդ 300 մլն դրամ ուղղվեց անցած տարվանից պարտք մնացած 1 ամսվա նպաստների մարմանը: Վարդան Խաչատրյանը հայտնեց, որ այս քայլերը հնարավոր եղան Կենտրոնական բանկի 2001 թ. բյուջեով նախատեսվածից ավելի շահույթ տալու շնորհիվ: