ՎԱՇԻՆԳՏՈՆ, 27 ՕԳՈՍՏՈՍ, ՆՈՅՅԱՆ ՏԱՊԱՆ - ԱՄԵՐԻԿԱՅԻ ՁԱՅՆ: Ամերիկայի Հայկական համագումար կազմակերպության օգոստոսի 21-ի մամլո հաղորդագրության համաձայն, նախորդ շաբաթ կազմակերպության գործիչների հետ կայացած հանդիպմանը ԱՄՆ Կոնգրեսի անդամ Սթիվ Իսրայելը խոստացել է միանալ հայկական հարցերի կոնգրեսական հանձնաժողովին: Այդպիսով նա կդառնա այդ հանձնախմբի 102-րդ անդամը: Կոնգրեսականն անդամակցում է ներկայացուցիչների պալատի, ֆինանսական ծառայությունների եւ գիտական հարցերի հանձնախմբերին: Կոնգրեսի նախկին կազմում հայկական հարցերի հանձնաժողովի անդամների թիվը 97 էր, որը վերջին տարիներին ամենաբազմանդամ խմբերից է ԱՄՆ Ներկայացուցիչների պալատում: