ԵՐԵՎԱՆ, 27 ՕԳՈՍՏՈՍ, ԱՐՄԵՆՊՐԵՍ: Հայկական ատոմային կայանի երկրորդ էներգաբլոկը, որը միջուկային վառելիքի հերթական վերաբեռնավորման եւ պլանային նորոգման աշխատանքների իրականացման համար հուլիսի 10-ից 45 օրով դադարեցրել էր աշխատանքը, դեռեւս չի ստացել անհրաժեշտ վառելանյութը: Այնպես որ, ինչպես ասաց կայանի տնօրենի տեղակալ Սլավիկ Դանիելյանը, վառելիքի ստացումից հետո միայն կարելի է խոսել էներգաբլոկի վերագործարկման մասին: Ըստ էներգետիկայի նախարարության համակարգի շահագործման հսկողության վարչության պետ Ալիկ Աբրահամանի, նախարար Կարեն Գալուստյանը վերոնշյալ հարցով արդեն մեկ շաբաթ Մոսկվայում բանակցություններ է վարում համապատասխան ընկերությունների հետ: