ԵՐԵՎԱՆ, 27 ՕԳՈՍՏՈՍ, ՆՈՅՅԱՆ ՏԱՊԱՆ: Օգոստոսի 26-ին երեկոյան ժամը 16.00-17.00-ի սահմաններում Երեւանի մետրոպոլիտենի «Զորավար Անդրանիկ»-«Հանրապետության հրապարակ» միջկայարանային թունելում տեղի է ունեցել դժբախտ պատահար, որի հետեւանքով զոհվել է 57 ամյա մեքենավար Վիգեն Սիմոնյանը: Ինչպես հայտնեցին «Երեւանի մետրոպոլիտենի» «Մետլուր» լրատվական ծառայությունից, դեպքի պատճառը մեքենավարի կողմից մետրոպոլիտենում գործող հրահանգների պահանջների խախտումն է եղել: Մասնավորապես վերջինս, փորձելով ուղղել գնացքի անսարքությունը, իջել է գնացքից եւ կանգնել բարձր լարման տակ գտնվող ռելսերի վրա: Մահը վրա է հասել էլեկտրական հարվածի պատճառով: Միաժամանակ «Մետլուր» լրատվական ծառայությունում հերքեցին հաղորդումներն այն մասին, թե այս գնացքի կանգառման պահին վերջինիս է բախվել մեկ այլ շարժակազմ: