Տաշքենդում ընթացող թենիսի «Ուզբեկստանի նախագահի գավաթ» խաղարկությունում հաջող ելույթներ է ունենում Սարգիս Սարգսյանը: Առաջին շրջանում Սարգիսը միեւնույն 6-4, 6-4 հաշվով հաղթեց ֆրանսիացի Ժյուլյեն Բուտեին, իսկ հաջորդ փուլում առավելության հասավ իտալացի Ջանլուկա Պոցցիի նկատմամբ (6-2, 7-5):
Տաշքենդում հանդես են գալիս նաեւ ռուս թենիսիստներ Մարատ Սաֆինն ու Եվգենի Կաֆելնիկովը, որոնք էլ համարվում են հաղթողի գլխավոր հավակնորդները: Կաֆելնիկովն առաջին փուլում հաղթահարեց Լարս Բուրգշմյուլլերի դիմադրությունը (6-4, 7-6), իսկ Սաֆինը պարտության մատնեց իսրայելցի Նոամ Օկունին: