ԲԱՔՈՒ, 1 ՆՈՅԵՄԲԵՐ, ԱՐՄԵՆՊՐԵՍ: Բաքվի մերձակայքում գտնվող «Գյանջլիկ» հանգստյան տանն ընթանում է Հայաստանի եւ Ադրբեջանի զանգվածային լրատվամիջոցներում ղարաբաղյան հակամարտության լուսաբանմանը նվիրված սեմինար:
Սեմինարին, որը Բաց հասարակության ինստիտուտի աջակցությամբ կազմակերպել են Երեւանի, Բաքվի եւ Ստեփանակերտի մամուլի ակումբները, մասնակցում են լրագրողներ Ադրբեջանից, Հայաստանից եւ Լեռնային Ղարաբաղի Հանրապետությունից: Ավելի վաղ նման միջոցառումներ են անցկացվել Երեւանում եւ Ստեփանակերտում: