ԵՐԵՎԱՆ, 9 ՆՈՅԵՄԲԵՐ, ԱՐՄԵՆՊՐԵՍ: Նոյեմբերի 11-ից կսկսվի Հայկական ատոմակայանի թողարկման գործընթացը, ինչը հնարավոր եղավ իրականացնել, երբ անհրաժեշտ նյութերի ձեռքբերման նպատակով ՀՀ էներգետիկայի նախարարությունը միջոցներ տրամադրեց, իսկ ատոմակայանի աշխատողներն ստացան հունիս եւ հուլիս ամիսների աշխատավարձը: Ինչպես ասաց ատոմակայանի տնօրեն Սուրեն Ազատյանը, թողարկման գործընթացի հաջող իրականացման դեպքում, մինչեւ նոյեմբերի 15-ը ՀԱԷԿ-ի արտադրած էլեկտրաէներգիան կմտնի ընդհանուր ցանց: