ԵՐԵՎԱՆ, 28 ՆՈՅԵՄԲԵՐ, ԱՐՄԵՆՊՐԵՍ: Հայաստանի Կրթամշակութային, աշխատանքային փոխանակման միջազգային ծրագրերի ընկերակցության նախաձեռնությամբ եւ հովանավորությամբ կկազմակերպվի «Լավագույն ուսանող բանաստեղծ» հանրապետական մրցույթ: Մրցույթը կանցկացվի երկու փուլով 2001 թ. դեկտեմբեր-փետրվար եւ 2002 թ. մարտ-ապրիլ ամիսներին: Ժյուրին, որը նախագահելու է բանաստեղծ Ռազմիկ Դավոյանը, անդամներըՙ Հայաստանի գրողների միության քարտուղար Հովիկ Հովեյան, Արցախի գրողների միության քարտուղար Վարդան Հակոբյան, այլք, կընտրի երեք մրցանակակիրներին, որոնք կպարգեւատրվեն 100 հազարից 250 հազար դրամով, ինչպես նաեւ այն երկու-երեք տասնյակ հեղինակներին, որոնց գործերը տեղ կգտնեն ուսանողական պոեզիայի ժողովածուի մեջ:
Մրցույթը կամփոփվի եւ դրամական մրցանակներն ու ընկերակցության պատվոգրերը կհանձնվեն Ծաղկազարդի օրը: