Դեկտեմբերի 3-ին պաշտպանության նախարար Սերժ Սարգսյանն ընդունել է աշխատանքային այցով Հայաստան ժամանած Լիբանանի զինված ուժերի գլխավոր շտաբի պետի տեղակալ, բրիգադի գեներալ Ֆարես Սոֆիայի գլխավորած պատվիրակությանը: Հանդիպման ընթացքում հյուրերը ներկայացրել են այցի ընթացքում Հայաստանի բարձրաստիճան զինվորականների հետ ունեցած քննարկումների արդյունքները եւ համագործակցության համար առավել հեռանկարային բնագավառները: ՀՀ պաշտպանության նախարարը նշել է, որ օգոստոս ամսին ստորագրված հայ-լիբանանյան ռազմական եւ ռազմատեխնիկական համագործակցության համաձայնագրի դրույթները անհրաժեշտ է առավելագույնս օգտագործել պաշտպանության ոլորտում փոխշահավետ համագործակցության զարգացման համար: Լիբանանյան պատվիրակության կազմում Հայաստան էր ժամանել բրիգադի հայազգի գեներալ Փանոս Մամջյանը, որը Հայաստան այցելած առաջին սփյուռքահայ բարձրաստիճան զինվորականն է:
ՀՀ ՊՆ ԼՐԱՏՎՈՒԹՅԱՆ ԵՎ ՔԱՐՈԶՉՈՒԹՅԱՆ ՎԱՐՉՈՒԹՅՈՒՆ