ԲԱՔՈՒ, 14 ՀՈՒՆՎԱՐ, ՆՈՅՅԱՆ ՏԱՊԱՆ։ Ադրբեջանը կցանկանար հատկապես ԵԱՀԿ Մինսկի խմբի գործունեության ակտիվացումը։ Այս մասին Էմ Փի Էյ¬ին հայտարարել է հանրապետության արտաքին գործերի փոխնախարար Արազ Ազիմովըՙ անդրադառնալով ուրիշ միջազգային կառույցի ղարաբաղյան հակամարտության կարգավորմանը միանալու հնարավորությանը։ Ազիմովը, միաժամանակ, ցավ է հայտնել, որ 1997 թվականից ՄԽ¬ն համատեղ ընդհանուր նիստեր չի գումարել, իսկ գործընթացը վերածվել էր համանախագահների տարածաշրջան կատարվող մաքոքային այցերի։ «Ինչ վերաբերում է այլ կազմակերպություններին, ապա կարծում ենք, որ պետք է օգտագործվի ամեն մի հնարավորություն» , - նշել է ադրբեջանցի դիվանագետը։ «Եթե Ադրբեջանը կարող է իբրեւ Եվրոպայի խորհրդի լիիրավ անդամ այդ հարցը դնել ԵԽ¬ում, ապա անհրաժեշտ է օգտվել այդ հնարավորությունից, բայց դա չի նշանակում, որ Խորհուրդը դառնում է միջնորդ», - նկատել է Ազիմովը։