ԲԱՔՈՒ,17 ՀՈՒՆՎԱՐ, ԱՐՄԵՆՊՐԵՍ: Ադրբեջանի որոշ լրատվամիջոցների հաղորդագրությունները, թե Կովկասը Եվրամիության կողմից ճանաչվել է Թուրքիայի ազդեցության գոտի, անհիմն են: Այս մասին «Թուրան» գործակալությանը հայտարարել է Ադրբեջանում Թուրքիայի դեսպան Ունալ Չեվւքոզը:
Ըստ ադրբեջանական «525-րդ» թերթի, խոսելով Թուրքիայի վարչապետ Բյուլենթ Էջեւիթի Վաշինգտոն պաշտոնական այցի մասին, դեսպան Չեւիքոզը մանրամասնել է նաեւ այցի ընթացքում քննարկվելիք երկկողմ եւ տարածաշրջանային հարցերըՙ չբացառելով Լեռնային Ղարաբաղի խնդրի քննարկումը: