Հանրապետական վարչության հայտարարությունը
Ուսումնասիրելով եւ քննարկելով Հայաստանի Հանրապետության սահմանադրության նոր խմբագրության նախագիծըՙ ՀՌԱԿ Հանրապետական վարչությունն արձանագրում է.
- Հանրապետության հիմնական օրենքի նոր խմբագրության նախագծի բովանդակությունը համապատասխանում է ՀՀ նախագահ Ռոբերտ Քոչարյանի նախընտրական պարտավորությանըՙ օրենսդրորեն ապահովել իշխանության տարբեր ճյուղերի հավասարակշռությունը:
- Մարդու իրավունքներին եւ ազատություններին վերաբերող գլխում իրականացված են մի շարք կարեւոր փոփոխություններ, որոնք ուղղված են Հայաստանի Հանրապետությունում ժողովրդավարության հետագա զարգացմանը:
- Էական քայլ է կատարված դատական համակարգի հետագա կատարելագործման եւ իշխանության մյուս թեւերից անկախացման ուղղությամբ:
Հայաստանի Ռամկավար Ազատական կուսակցության Հանրապետական վարչությունըՙ
1. Դրականորեն է գնահատում Հայաստանի Հանրապետության նախագահի առաջարկած սահմանադրության նոր խմբագրության նախագիծը:
2. ՀՀ Ազգային ժողովին է ներկայացնում կուսակցության մշակած առաջարկություններ սահմանադրության նոր խմբագրության կապակցությամբ:
3. Դիմում է Հայաստանի Հանրապետության Ազգային ժողովինՙ որոշակի լրացումներ եւ փոփոխություններ կատարելուց հետո որոշում ընդունելՙ հանրաքվեի դնելու ՀՀ նախագահի ներկայացրած սահմանադրության նոր խմբագրության նախագիծը: