ԵՐԵՎԱՆ, 5 ՓԵՏՐՎԱՐ, ԱՐՄԵՆՊՐԵՍ: Բրազիլական կողմի ֆինանսավորմամբ «Հայֆիլմ» կինոստուդիայի ռեժիսոր Ռուբեն Քոչարը կնկարահանի «Ճանապարհ» գեղարավեստական ֆիլմը, որը ներկայացնում է արտագաղթի խնդիրներն աշխարհում (առանձին հատված կա նաեւ հայերի արտագաղթին վերաբերող): Ռեժիսորի խոսքով,նկարահանման աշխատանքները կատարվելու են Բրազիլիայումՙ հայ եւ բրազիլացի դերասանների մասնակցությամբ: Նա նշեց, որ պայմանագրերն արդեն կնքված են,նկարահանումներն սկսելու համար հրավերն ստացվել է երեկ, եւ մարտին դրանք արդեն կսկսվեն: