Ինչպես արդեն տեղեկացրել ենք, նոր մրցաշրջանի նախապատրաստությունը ՀՀ չեմպիոն Երեւանի «Փյունիկը» շարունակում է Ֆրանսիայում։ Թիմը մարզումներին զուգահեռ նաեւ ստուգողական հանդիպումներ է անցկացնում։ Առաջին խաղում «Փյունիկը» մրցել է Մոսկվայի «Դինամոյի» հետ։ Խաղն ավարտվել է ոչ-ոքի (1¬1)։ Մեր թիմից գոլը խփել է Արման Քարամյանը։ Հաջորդ հանդիպումը հայ ֆուտբոլիստներն անցկացրել են Ֆրանսիայի 4-րդ դիվիզիոնի թիմերից մեկի հետ եւ հաղթել 3¬2 հաշվով։ «Փյունիկից» երկու անգամ աչքի է ընկել Արման Քարամյանը, մեկ գնդակ էլ խփել է Վարազդատ Ավետիսյանը։ Երրորդ հանդիպումը ֆրանսիական «Մարտիգի» հետ ավարտվել է «Փյունիկի» խոշոր հաշվով հաղթանակովՙ 6¬1։ Կրկին արդյունավետ է գործել Արման Քարամյանըՙ դառնալով «հեթ-տրիկի» հեղինակ։ 2 գոլ է խփել Մալալը, մեկՙ Ստեւանովիչը։ Մինչ Երեւան վերադառնալը «Փյունիկը» Ֆրանսիայում եւս 3 խաղ կանցկացնի։