ԲԱՔՈՒ, 6 ՄԱՐՏ, ՆՈՅՅԱՆ ՏԱՊԱՆ։ Մարտի 5-ին տեղի է ունեցել հեռախոսազրույց Ռուսաստանի նախագահ Վլադիմիր Պուտինի եւ Ադրբեջանի ղեկավար Հեյդար Ալիեւի միջեւ։ Ռուսաստանի ղեկավարը շնորհավորել է նախագահ Ալիեւին վիրահատությունից հետո բարեհաջող բուժման եւ հայրենիք վերադառնալու կապակցությամբ, նրան մաղթել է քաջառողջություն եւ գոհունակություն հայտնել նրա լավ ինքնազգացողության համար։ Ռուսաստանի նախագահը անդրադարձել է ԱՊՀ երկրների ղեկավարների Ալմա Աթայի ոչ պաշտոնական հանդիպմանը քննարկված հարցերին, մասնավորապեսՙ միջազգային ահաբեկչության դեմ պայքարի հարցին։ Նախագահ Պուտինը տեղեկացրել է ադրբեջանցի իր գործընկերոջը Կասպիցի իրավական կարգավիճակի վերաբերյալ մերձկասպյան պետությունների ղեկավարների մտքերի փոխանակման մասին։ Նախագահներ Պուտինը եւ Ալիեւը վերահաստատել են Ռուսաստանի եւ Ադրբեջանի մոտեցումների նույնականությունը Կասպիցի իրավական կարգավիճակի սկզբունքների որոշման գործում։ Նախագահ Պուտինն ընդգծել է իր երկրի պատրաստակամությունը, որպես Մինսկի խմբի համանախագահ երկիր, ջանքեր գործադրել Ղարաբաղյան հակամարտության խաղաղ կարգավորման ուղղությամբ։