ԱՇՏԱՐԱԿ, 4 ՄԱՅԻՍ, ԱՐՄԵՆՊՐԵՍ։ Գիշերվանից առատ ձյուն է սկսել տեղալ Արագածոտնի մարզի լեռնային շրջաններում, հատկապեսս Ապարանում եւ Արագածում։ Արագածում ձյան շերտը հասնում է մինչեւ 15 սմ-ի։ Տեղումները չեն զուգորդվում քամու հետ, եւ ձնաբուքի երեւույթ չի նկատվում։ Ըստ վերջին տարիների վիճակագրության, մայիս ամսվա առաջին տասնօրյակի համար տեղումները ձյան տեսքով եւ ջերմաստիճանի նման անկում չեն նկատվել։ Մարզի նախալեռնային գոտում տեղումները շարունակվում են անընդմեջՙ անձրեւի տեսքով։