ԲԱՔՈՒ, 15 ՄԱՅԻՍ, ՆՈՅՅԱՆ ՏԱՊԱՆ։ Մայիսի 14-ին Ադրբեջանի պաշտպանության նախարար, գեներալ-գնդապետ Սաֆար Աբիեւն ընդունել է Թուրքիայի ԶՈՒ ԳՇ պաշտպանական պլանավորման եւ աղբյուրների ուղղորդման վարչության պետ, բրիգադի գեներալ Ջահանգիր Դումանլիի գլխավորած պատվիրակությանը։ Ինչպես հայտնել են ՊՆ մամլո ծառայությունում, գեներալ Դումանլին նշել է, որ կապերն Ադրբեջանի եւ Թուրքիայի զինված ուժերի միջեւ ընդլայնվել են։ Այնուհետեւ ստորագրվել են «Ադրբեջանի կառավարության եւ Թուրքիայի կառավարության միջեւ ռազմական անհատույց օգնության մասին» պայմանագիրը եւ «Ադրբեջանի ՊՆ եւ Թուրքիայի ԶՈՒ ԳՇ միջեւ ֆինանսական օգնության կիրառման մասին» արձանագրությունը։