Երեկ երեկոյան Ստամբուլի օդանավակայանից «Ազգի» խմբագրություն զանգահարեցին մի քանի ուղեւորներ եւ խնդրեցին իրենց ցասումն արտահայտել տեղում ստեղծված կացության առնչությամբ։ Նրանց ասելով, հայկական «Արմավիա» ընկերությունը, որն իրականացնում է Երեւան-Ստամբուլ-Երեւան չվերթերը, հակառակ Հայաստան-սփյուռք խորհրդաժողովին տեղի մասնակիցների մեծ թվին, երեկ Ստամբուլ է ուղարկել փոքրՙ ընդամենը 30 հոգանոց «Անտոնով» օդանավ։ Ուղեւորներից ոմանք չեն էլ գնացել օդանավակայան, մինչ ուրիշներըՙ թվով 14 հոգի, տոմսերը ձեռքներին չգիտեն ինչ անել։ Ընդհանուր իրարանցման մեջ, որին միջամտել է տեղի ոստիկանությունը, ուղեւորներից մի կին սրտի նոպա է ունեցել։ Ո՞վ է պատասխան տալու եւ ինչպե՞ս։