ՎՈՐՈՆԵԺ, 3 ՀՈՒՆԻՍ, ՆՈՅՅԱՆ ՏԱՊԱՆ։ Վորոնեժի մարզի ՆԳ վարչության թմրադեղերի անօրինական շրջանառության դեմ պայքարի բաժնի աշխատակիցները ձերբակալել են բարձր խտայնության ափիոնի հումքի մեծածախ վաճառականների եւ իրացնողների։ Ինչպես երկուշաբթի «Նովոստի» գործակալությանը հայտնել են մարզային ՆԳ վարչության մամլո ծառայությունում, ափիոնի հումքի հատկապես խոշոր խմբաքանակի վաճառականների նկատմամբ հատուկ գործողությունը ՆԳՎ հիշյալ բաժնի աշխատակիցները սկսել էին ապրիլի կեսին։ Գործողության ընթացքում հանցախմբի մեջ է ներդրվել միլիցիայի աշխատակից։ Դա թույլ է տվել բաժնի աշխատակիցներին դուրս գալ խոշոր մեծածախ թմրավաճառականներից մեկիՙ 34-ամյա ադրբեջանցի Ադալյաթ Բաբիր օղլի Աղաեւի հետքի վրա։ Գնորդի դերում եղել են հենց իրենքՙ բաժնի աշխատակիցները։ Ձերբակալված են նաեւ տվյալ նարկոսինդիկատի ադրբեջանցի եւ ռուս մնացած անդամները։