Չորեքշաբթի ուշ երեկոյան, ժամը 9-ի մոտակայքում, Երեւան-Աշտարակ ավտոմայրուղու 5-րդ կմ-ում ավտովթարի է ենթարկվել հայտնի գործարար, «Արարատ» հյուրանոցի սեփականատեր Հովհաննես Հայրապետյանի վարած BMW մակնիշի ավտոմեքենան։ Շուրջ 2 ժամ հետո նա մահացել է հիվանդանոցում։ Նրա հետ մեքենայում եղել է 22 տարեկան մի ուղեւոր, որն ստացել է մարմնական վնասվածքներ։
Վթարի հետ կապված մանրամասները դեռեւս ճշտվում են, թեեւ, ըստ նախնական տվյալների, Հովհ. Հայրապետյանը փորձել է վազանց կատարել, դուրս է եկել հանդիպակաց գոտի եւ բախվել ավտոբուսին։ Ավտոբուսի ուղեւորները վնասվածքներ չեն ստացել։