ԵՐԵՎԱՆ, 14 ՀՈՒՆԻՍ, ԱՐՄԵՆՊՐԵՍ։ Թուրքիայի արտգործնախարարության մի պաշտոնյա Բաքու է ժամանել գաղտնի բանակցությունների։ Ըստ ադրբեջանական «Էխո» թերթի, բանակցությունների առարկան թուրքական եւ ադրբեջանական կողմերի գործողությունների համաձայնեցումն է Հայաստանի եւ Թուրքիայի արտգործնախարարների հունիսի 25-ին Ստամբուլում սպասվելիք հանդիպումից առաջ։
Ըստ «Ազատության», սա այն պաշտոնյան է, որի մասին «Թրքիշ դեյլի նյուսը» գրել էր, թե եվրոպական քաղաքներից մեկում մինչեւ հունիսի 17-ը գաղտնի բանակցություններ է վարելու Հայաստանի արտգործնախարարության պաշտոնյայի հետՙ նախապատրաստելու Օսկանյան-Ջեմ հանդիպումը։