Ըստ ամերիկյան լրատվական կենտրոնի
ՎԱՇԻՆԳՏՈՆ, 27 ՀՈՒՆԻՍ, ՆՈՅՅԱՆ ՏԱՊԱՆ։ «Ալ Ղաիդա» ահաբեկչական կազմակերպությունը 80-ական թվականների վերջին իր գրասենյակն է հիմնել Բաքվում եւ սկսել աջակցություն ցուցաբերել Ադրբեջանին Հայաստանի դեմ Լեռնային Ղարաբաղի համար մղած իր պատերազմում, հինգշաբթի հայտարարել է Washington ProFile ամերիկյան անկախ լրատվական կենտրոնը։ 1993 թվականի սեպտեմբերին Ղարաբաղյան պատերազմին մասնակցելու համար Ադրբեջան են ժամանել 1,5 հազար աֆղան մոջահեդներ, նշում են ամերիկյան աղբյուրները։ «1994 թվականի ամռանը նրանց թիվը հասել է 2,5 հազարի։ Հայերի հետ մարտերում ծանր կորուստներից հետո աֆղանական բրիգադը լուծարվել է, սակայն նրա անդամներից շատերը մասնակցել են տարածաշրջանային այլ հակամարտությունների», գրում է լրատվական կենտրոնը։