ՍՏԵՓԱՆԱԿԵՐՏ, 1 ՕԳՈՍՏՈՍ, ՆՈՅՅԱՆ ՏԱՊԱՆ։ Ղարաբաղյան հակամարտության խաղաղ կարգավորման գործընթացում ներկայիս իրավիճակն է քննարկվել ԱՊՀ երկրների ինստիտուտի տնօրեն Կոնստանտին Զատուլինի, ռուսաստանյան հայտնի քաղաքագետ Անդրանիկ Միհրանյանի եւ Սուխումի-Աբխազական թեմի կառավարող քահանա հայր Վիսարիոնի հետ ԼՂՀ գործող նախագահ Արկադի Ղուկասյանի հանդիպմանը օգոստոսի 1-ին։
Հյուրերը ներկայացրել են իրենց տպավորությունները Լեռնային Ղարաբաղ կատարած այցի վերաբերյալ։ Նրանք մասնավորապես գոհունակություն են հայտնել պատերազմական գործողությունների հետեւանքների վերացմանաշխատանքների, ԼՂՀ սոցիալ-տնտեսական եւ մշակութային զարգացման խնդիրների իրականացման կապակցությամբ։
Ինչպես հայտնում է ԼՂՀ նախագահի մամուլի քարտուղարի պաշտոնակատարը, Արկադի Ղուկասյանը Կոնստանտին Զատուլինին է հանձնել ԼՂՀ պատվավոր պարգեւՙ «Մխիթար Գոշ» շքանշան։ Ռուսաստանյան քաղաքագետն այդ պարգեւին է արժանացել Լեռնային Ղարաբաղի հիմնախնդրի խաղաղ ու արդար լուծմանն օժանդակող ակտիվ հասարակական-քաղաքական գործունեության համար։