Օգոստոսի 22-ին, 23-ին, 24-ին եւ 25-ին նշանավոր հայ երգահան եւ դիրիժոր Լորիս Ճգնավորյանն Ավստրիայի սիմֆոնիկ նվագախմբի հետ Իրանի մայրաքաղաքի «Միլադ» համերգասրահում ըստ Շահնամեի բեմադրում է «Ռոստամ եւ Սոհրաբ» օպերան։ Նախօրեին տված մամուլի ասուլիսում, ինչպես հաղորդում է «Թեհրան թայմս» օրաթերթը, Ճգնավորյանն ասել է. «Մի քանի տարի առաջ եմ սկսել գրել «Ռոստամ եւ Սոհրաբ» օպերան, Ֆիրդուսու գործը հասկանալուն ինձ օգնել են իրանցի երգահաններ Խալեդին, Էբադին եւ Թեհրանին։ Օպերան բեմադրվել է մեկ անգամ Ավստրիայում»։
Հոլանդացի Անտոնի Հեյդվեյլը խաղում է Ռոստամ, էստոնուհի Յուհան Տրալլանՙ Սոհրաբ, ֆրանսուհի Դարյա Դադվան Սոհրաբի մորՙ Թահմինեի դերը։ Մյուս երկու երգիչները Հայաստանից են։ Ընդհանուր առմամբ խումբը բաղկացած է 125 երգիչներիցՙ Ավստրիա, Ֆրանսիա, Հայաստան, Հոլանդիա եւ Էստոնիա։