Կահիրեի իր բնակարանում սրտի կրկնակի տագնապից 60 տարեկանում վախճանվել է Եգիպտոսի հունահռոմեական ըմբշամարտի ազգային հավաքականի գլխավոր մարզիչ, հայաստանցի Աղվան Եղիազարյանը, հաղորդում է եգիպտահայ համայնքի «Արեւ» օրաթերթըՙ լուրը քաղելով «Ալ-Ահրամ» արաբական ճանաչված թերթից։ Եղիազարյանը Եգիպտոսի հավաքականի ղեկավարությունը ստանձնել էր 1994-ի փետրվարին։ Անցած ութ տարիներին հավաքականն աննախադեպ հաջողություններ է արձանագրել ինչպես արաբական, այնպես էլ աֆրիկյան եւ միջազգային մրցաշարերում։ Եգիպտացի ըմբշամարտիկներն արժանացել են բազմաթիվ մեդալների։ Նրան համարել են Եգիպտոսի ըմբշամարտի միության կողմից հրավիրված լավագույն օտարազգի մասնագետը։ Մահվանից անմիջապես առաջ եգիպտացի իր գործընկերոջ հետ պատրաստելիս է եղել Գերմանիայում կայացած «Թմոնդ» մրցաշարքում Եգիպտոսի հավաքականի հաղթանակների տեղեկագրությունըՙ ներկայացնելու համար Եգիպտոսի ըմբշամարտի միությանը։
Հ. Ծ.