ՍՏԵՓԱՆԱԿԵՐՏ, 5 ՍԵՊՏԵՄԲԵՐ, ԱՐՄԵՆՊՐԵՍ։ Այսօր ԼՂՀ-ում ավարտվեցին օգոստոսի 30-ից սկսված պաշտպանության բանակի հրամանատարաշտաբային զորավարժությունները։ Ինչպես հայտնեցին ԼՂՀ ՊՆ լրատվության բաժնում, պլանային զորավարժություններում ընդգրկված են եղել պաշտպանության բանակի մի շարք զորամիավորումներՙ զորամասերի ներգրավմամբ։ Զորավարժություններին իրենց մարտական պատրաստվածությունն են ցուցադրել բանակի բոլոր ստորաբաժանումները։
Օրվա երկրորդ կեսին ամփոփվել են զորավարժությունների արդյունքները, փաստվել եղած թերությունները, հաջողությունները։ Թերությունների վերացման նպատակով տրվել են հատուկ հանձնարարականներ։ Արձանագրվել է, որ բոլոր ստորաբաժանումներն առանց որեւէ պատահարի կարողացել են կատարել առաջադրանքները։
Զորավարժությունների մասնակիցներին շնորհակալագրեր ու թանկարժեք նվերներ է հանձնել Հայաստանի նախագահ Ռոբերտ Քոչարյանը։