ՄՈՍԿՎԱ, 19 ՍԵՊՏԵՄԲԵՐ, ՆՈՅՅԱՆ ՏԱՊԱՆ։ Հյուսիսկովկասյան տարածաշրջանի մի շարք օդանավակայաններում, այդ թվում Մոզդոկի օդանավակայանում, կենտրոնացվել են ՌԴ ՌՕՈՒ ճակատային ավիացիայի հարվածային ինքնաթիռների խմբավորումներՙ բոլոր հնարավոր եւ թույլատրված միջոցներով, որ ունի ավիացիան, գրոհայիններին հարվածներ հասցնելու համարՙ նպատակակետին հասնելու ժամանակի կրճատման նպատակով։
Ինչպես հայտնել են Հյուսիսկովկասյան միացյալ զորախմբի շտաբում, ավիացիային առաջադրված խնդիրների կատարման համար թռիչքային ժամանակը առավելագույնը 10 րոպե է։ Աղբյուրները չեն մեկնաբանում այն ենթադրությունները, որ զորախմբավորման ուժեղացումը Կովկասում կապված է Վրաստանի Պանկիսի կիրճի տարածքին կետային հարվածներ հասցնելու հնարավորության հետ։