ՍՏԱՄԲՈՒԼ, 25 ՍԵՊՏԵՄԲԵՐ, ՆՈՅՅԱՆ ՏԱՊԱՆ։ Երեք տարի առաջ Թուրքիայի հյուսիսարեւմտյան Յալովայի շրջանի Արմութլու գավառի Մեջիդյիե գյուղի Թազ լեռների տարածքում տեղի ունեցած օդային աղետի հետեւանքով զոհված թուրքահայ երաժիշտ Օննո Թունչի հիշատակին նույն վայրում այս տարի բացված հուշարձանն ավերվել է։ Յալովայի քաղաքապետարանից տեղեկացրել են, որ «Օննո Թունչ» գրվածքը ժամանակ առ ժամանակ ջնջվում էր անհայտ անձանց կողմից, իսկ օրերս կոտրվել են հուշարձանի քարերը։ «Մենք չենք կարողանում ինչպես պետք է կարեւորություն տանք Օննո Թունչի հիշատակին դրված արձանի ավերմանը», նշել են քաղաքապետարանի աշխատակիցները։ Տարածքային անվտանգության վարչության պետը հայտարարել է, որ կատարվածի առիթով հետաքննություն է սկսվել։