Հունաստանի հավաքականի ղեկավարությունը հրապարակել է այն ֆուտբոլիստների ցանկը, ովքեր կնախապատրաստվեն հոկտեմբերի 12-ին Ուկրաինայի եւ հոկտեմբերի 16-ին Հայաստանի հավաքականների հետ կայանալիք ընտրական մրցախաղերին։ Հավաքականում ընդգրկվել են հետեւյալ 19 ֆուտբոլիստները.
Դարպասապահներՙ Անտոնիս Նիկոպոլիդիս («Պանատինաիկոս»), Կոստաս Խալկիաս («Իրակլիս»), պաշտպաններՙ Նիկոս Դաբիզաս («Նյուքասլ», Անգլիա), Տակիս Ֆիսաս, Սոտիրիս Կիրիակոս, Յուրկաս Սեյտարիդիս (բոլորն էլՙ «Պանատինաիկոս»), Քրիստոս Պատսացօղլու, Սթելիոս Վենետիդիս (երկուսն էլՙ «Օլիմպիակոս»), Տրայանոս Դելաս («Ռոմա», Իտալիա), կիսապաշտպաններՙ Անգելոս Բասինաս («Պանատինաիկոս»), Տոդորիս Զագորակիս, Վասիլիս Ցարտաս, Վասիլիս Լակիս (բոլորն էլՙ ԱԵԿ), Գիորգոս Գեորգիադիս, Պանտելիս Կաֆես (երկուսն էլՙ ՊԱՕԿ), Ստելիոս Յանակոպուլոս («Օլիմպիակոս»), հարձակվողներՙ Դեմիս Նիկոլաիդիս (ԱԵԿ), Զիսիս Վրիցաս («Պերուջա» Իտալիա), Անգելոս Խարիստեաս («Վերդեր» Գերմանիա)։
Նշենք, որ հավաքականի կազմը հրապարակելուց հետո հունական լրատվամիջոցները խիստ քննադատել են Հունաստանի ընտրանու գլխավոր մարզիչ Օտտո Ռեխագելին այն բանի համար, որ նա հավաքականի կազմում չի ընդգրկել երկրում մեծ հեղինակություն վայելող մի քանի փորձառու ֆուտբոլիստների։