Երեկ Գյումրիում կայացավ առաջին շրջանից հետաձգված «Շիրակ»¬«Զվարթնոց» հանդիպումը, որի ելքը դաշտի տերերի համար չափազանց կարեւոր էր երկրորդ տեղի համար մղված պայքարում։ Շիրակցիներին հաջողվեց հաղթել մրցակցինՙ շնորհիվ խաղի վերջին րոպեին Վահան Մառանջյանի խփած միակ գոլի։ Այս հաղթանակից հետո «Շիրակը» 44 միավորով կրկին հանգրվանեց աղյուսակի երկրորդ հորիզոնականում։ Նույնքան միավոր է վաստակել նաեւ «Բանանցը», իսկ «Սպարտակը» հետ է մնում 2 միավորով։ Նոյեմբերի 3-ին կկայանա առաջնության 20-րդ տուրը։ Այդ օրը կմրցեն «Արցախ-«Դինամո», «Փյունիկ»¬«Լեռնագործ», «Բանանց»¬«Զվարթնոց», «Շիրակ»¬«Արարատ», «Լոռի»¬«Կոտայք» զույգերը։ Փոխադարձ համաձայնությամբ «Միկա»¬«Սպարտակ» հանդիպումը կկայանա հաջորդ օրը Աբովյանում։