Նոյեմբերի 25-ին Երեւանի Խ. Աբովյանի անվան մանկավարժական համալսարանի դահլիճում տեղի ունեցավ միջոցառումՙ նվիրված արցախյան հերոսամարտի նահատակ Մոնթե Մելքոնյանի (Ավո) ծննդյան 45-ամյակին։ Հանդիսությանը մասնակցում էին Մոնթե Մելքոնյանի անվան համալսարանի պրոֆեսորա-դասախոսական կազմը, ուսանողներ եւ զինակից ընկերներ։ Հարգանքի խոսք ասացին համալսարանի պրոռեկտոր Մելանյա Գասպարյանը, դասախոս, «Մոնթեական» թերթի խմբագիր Տիգրան Հովհաննիսյանը, Մովսես Գորգիսյանի այրի Ռուզաննա Գորգիսյանը, Մոնթե Մելքոնյանի անվան ռազմական վարժարանի դաստիարակչական գծով տեղակալ գնդապետ Էմիլ Միրզոյանը։ Մասնակցում էր նաեւ «Մոնթեական» գրական ակումբը։ Միջոցառումն ավարտվեց համալսարանի ռեկտորատրի պատվերով նկարահանված Մոնթե Մելքոնյանի կյանքին ու գործունեությանը նվիրված տեսաֆիլմով։
ՆԱՐԻՆԵ ՊԵՏՐՈՍՅԱՆ, Մոնթե Մելքոնյանի անվան համալսարանի լրագրության բաժին, III կուրս