Երեկ «Նոյյան տապան» գործակալության տարածած լուրը, թե իբր ԵԱՀԿ Մինսկի ռուսաստանյան համանախագահ Նիկոլայ Գրիբկովը ՌԴ դեսպան է նշանակվել աֆրիկյան երկրներից մեկում, հետեւաբար Մինսկի խմբում կնշանակվի նոր համանախագահ, չի համապատասխանում իրականությանը։ Պրն Գրիբկովը հայկական «Արմինֆո» գործակալությանը տված հարցազրույցում ասել է, որ ղարաբաղյան հարցով իր միջնորդական առաքելությունը կավարտի 2003 թ. առաջին կիսամյակի վերջից ոչ շուտ։ Ռուս դիվանագետը Բաքվի ANS հեռուստատեսությանը տված հարցազրույցում նկատել է. «Իմ մահվան մասին լուրերը խիստ չափազանցված են»։