Խուսափեք առավոտյան ու երեկոյան ժամերին երթեւեկելուց
Ձմեռը միանգամից արշավեց հանրապետության ողջ տարածքի վրա։ Եվ թեեւ տեղումները հիմնականում ուղեկցվում էին ձնաբքով, այնուամենայնիվ, ՀՀ տրանսպորտի եւ կապի նախարարության լրատվական ծառայության երեկվա տվյալներով, հանրապետական եւ միջպետական նշանակության բոլոր ավտոճանապարհները բաց էին։ Անխափան երթեւեկություն ապահովելու համար «Հայավտոճան» ընկերությունը մայրուղիներ է դուրս բերել 50-ից ավելի գրեյդեր, ձյուն մաքրող 8 մեքենա, 25 էքսկավատոր, աղ, ավազ եւ վառելիք տեղափոխող 130 տրանսպորտային միջոցներ։
Երեկվա տվյալներովՙ երթեւեկը վտանգավոր էր Սպիտակի, Սեւանի, Ճամբարակի, Սելիմի, Զանգերի, Որոտանի եւ Մեղրու լեռնանցքներում։
Հիդրոօդերեւութաբանների տեղեկատվությամբՙ այսօր ողջ հանրապետության տարածքով մեկ կշարունակվեն տեղումները։
Տրանսպորտի եւ կապի նախարարությունը զգուշացնում է վարորդներինՙ հնարավորինս խուսափել առավոտյան ու երեկոյան ժամերին երթեւեկելուց, երբ տեսանելիությունը նվազում է եւ ճանապարհները պատվում են մերկասառույցով։