Դեկտեմբերի 14-20-ը Արաբական Միացյալ Էմիրություններում առաջին անգամ անցկացվում է հայկական մշակույթի շաբաթ։ Այդ կապակցությամբ դեկտեմբերի 13-ին ԱՄԷ տեղեկատվության եւ մշակույթի նախարար Շեյխ Աբդալլահ Բեն Զայեդ ալ Նահյանի հրավերով Աբու Դաբի է մեկնել ՀՀ մշակույթի, երիտասարդության հարցերի եւ սպորտի նախարար Ռոլանդ Շառոյանի գլխավորած պատվիրակությունը։
Մշակութային օրերի պաշտոնական բացման հանդիսավոր արարողությունը տեղի է ունեցել դեկտեմբերի 14-ինՙ Աբու Դաբիի «Մշակույթի հիմնադրամ»-ի շենքում։ Միջոցառմանը ներկա են գտնվել ԱՄԷ մշակույթի եւ այլ նախարարությունների բարձրաստիճան պաշտոնյաներ, հայ համայնքի եւ էմիրաթի հասարակության ներկայացուցիչներ։
Մշակույթի շաբաթը շարունակվում է եւ, ի թիվս այլ միջոցառումների, ցուցադրվելու են ռեժիսոր Ալբերտ Մկրտչյանի «Ուրախ ավտոբուս» գեղարվեստական եւ Հարություն Խաչատրյանի «Սպիտակ քաղաք» վավերագրական ֆիլմերը։