Ս. թ. հունվարի 8-ին Ֆրանսիայում ՀՀ դեսպան Է. Նալբանդյանը ՀՀ նախագահի անունից Մխիթար Գոշի շքանշանը հանձնեց Ֆրանսիայի Ազգային Ժողովի պատգամավոր, Իսի լե Մուլինոյի քաղաքապետ եւ նախկին նախարար Անդրե Սանտինիինՙ հայ-ֆրանսիական բարեկամության ամրապնդման գործում ունեցած իր կարեւոր ավանդի համար։ Իսի լե Մուլինոյի Արվեստների եւ համագումարների պալատում այս առթիվ կազմակերպված ընդունելությանը ներկա հազարից ավելի հրավիրյալների թվում էին Ֆրանսիայի պաշտպանության նախարար Միշել Ալիո-Մարին, տասնյակ սենատորներ, պատգամավորներ, պրեֆեկտներ, հայ համայնքի ներկայացուցիչներ։